（101）138弄 “还是好人多啊！”

         阿娘阿爷今朝老早起来了。

        昨日里弄革命委员会来通知过了，伊拉跟138弄、135弄、133弄的牛鬼蛇神必须每天早上八点之前到里弄革命委员会报到，然后拿着扫帚铅桶在附近的弄堂，马路打扫卫生，劳动改造思想。

          “顾妈，侬今朝再去买点好吃的。这两天要劳动改造，要吃点，别个要做不动咯。” 阿娘吃好早饭，去厨房间寻顾妈。

          “咦，我昨日给侬的钞票，侬呒么用啊？” 阿娘打开皮夹子一看，里面钞票原封不动，“侬拿啥个钞票买肉买蹄膀咯？”

          “我有钞票，我用我的钞票买的呀！”顾妈憨厚地笑笑。 

          “侬做啥用侬的钞票啊？”        

         “阿娘，侬哪里还有钞票？倷钞票全部被抄家抄走了，侬跟阿爷两个人从现在开始每月只有15块洋钿生活费，侬当我不晓得，我侪听到了。我拿铜钿出来，应该咯！倷对我好，我不好忘记咯！人不好呒么良心咯！”

       阿娘一听感动得忍不住眼泪簌簌。

         “林奶奶每月也只有15块洋钿生活费，哪恁过日脚？林奶奶还不晓得呢！这两天伊拉屋里侪是阿巧拿铜钿出来开伙仓咯！…..阿拉拿铜钿出来应该咯！还是迭句言话，人不可以呒么良心！前两天，里弄革命委员会的人还叫阿拉离开这里，回家乡去，讲阿拉不应该服侍倷，受倷剥削！我跟阿巧侪不睬伊拉，阿拉告诉里弄革命委员会的人，阿拉是流浪到上海的，没有老家，离开此地，夜里睏了哪里，睏到倷屋里，还是睏到倷革命委员会办公室去？伊拉不响了！”

         “阿娘，侬覅担心，我有的是钞票，我嘎许多年来，吃勒倷屋里，睏勒倷屋里，每月工资拿一点点零头出来看几场绍兴戏，其他侪存了银行里。现在曹荣也结婚了，呒么地方用钞票了。阿巧更加了，伊呒么小人，呒么负担，伊这两天就买好的猪肉牛肉给林奶奶吃，人就要迭恁讲良心！”

        阿爷换好一身劳动穿的旧衣裳来叫阿娘一道去里弄革命委员会报到。

         “老头子，侬晓得伐，我跟侬现在每人每月只有15块生活费，这两天阿拉屋里跟林奶奶家侪是顾妈和阿巧拿钞票出来帮助两家人家开火仓咯，真正难为伊拉。…….迭个世界上有些人，为了自家，呒么良心揭发好朋友，也有古道热肠，逆境相助的厚道人……。”

          “阿娘，阿爷，停一停，停一停！”顾妈气喘呼呼从后面追上来，到了跟前，压低声音讲：“我跟阿巧一早把弄堂扫清爽了，马路也扫清爽了，是酒甏、裁缝、小六子爷，好几个邻居听说要罚倷劳动改造帮忙扫好了，倷只要装装样子，扫帚划几记就可以了。”

        “还是好人多啊！”阿爷深有感触。